शिक्षा

बुटवलका विद्यालयमा ललितकलाका विषय पढाउने तयारी 

भाद्र ५, 2078    Butwal Post

बुटवल उपमहानगरपालिकाले पालिकास्तरमा मलुक मै नौलो र पहिलो कार्यक्रमका रुपमा विद्यालय तहमा ललितकला विषयका समेत कक्षा सञ्चालनको तयारी गरेको छ । यसका लागि विज्ञहरु सम्मिलित कार्यदल गठन गरेर आवश्यक अध्ययन र व्यवस्थापनको काम भइरहेको बुटवल उपमहानगरपालिकाका प्रमुख शिवराज सुवेदीले बताउनुभयो । 

विद्यालय तहदेखि नै बालबालिकामा ललितकला सम्बन्धीको अभिरुचिलाई अवसर प्रदान गर्ने गरी अवधारणा बनाइएको प्रमुख सुवेदीले बताउनुभयो । डा.तिलक भुसालको सांयोजकत्वमा गठित १५ सदस्यीय विज्ञहरुको कार्यदलले प्रारम्भिक प्रतिवेदनमा आज सुझाव संकलन गरेको छ । उक्त अवसरमा प्रमुख सुवेदी, उपप्रमुख गुमादेवी आचार्य, प्रमुख प्रशासकीय अधिकृत शिवप्रसाद रेग्मी, डा.मुरारी पराजुली, अजित खनाल लगायतले सुझाव प्रस्तुत गर्नुभएको थियो ।

0 प्रतिकृयाहरू प्राप्त

तपाईंको मत

To Top