स्वास्थ्य

रुपन्देहीमा थपिए ४७ नयां कोरोना संक्रमित

असोज १४, 2077    बुटवल पोस्ट

बुटवल । रुपन्देहीमा पछिल्लो २४ घण्टामा ४७ जना नयाँ कोरोना संक्रमित थपिएका छन् । स्वास्थ्य कार्यालय रुपन्देहीका अनुसार बुधबार जिल्लामा १२ महिला र ३५ पुरुषमा कोरोना संक्रमण पुष्टि भएको छ ।

रुपन्देहीमा पालिकागतरुपमा बुधबार पनि बुटवलमा सबै भन्दा बढी संक्रमित थपिएका छन् । बुटवल उपमहानगरमा २४ घण्टामा १८ जना नयाँ संक्रमित थपिएका छन् भने तिलोत्तमा नगरपालिकामा १३ जना थपिएका छन् । त्यसैगरि सिद्धार्थनगरमा ८ जना, सैनामैनामा ३ जना, देवदह र सुद्धादनमा २।२ जना तथा सियारीमा १ जना नयाँ संक्रमित थपिएका छन् ।

बुधबार सम्ममा रुपन्देहीमा कुल संक्रमितको संख्या २६११ पुगेको छ । जिल्लामा २४ जना कोरोना संक्रमितको मृत्यु भएको छ भने १९३२ जना निको भएर घर फर्केका छन् ।

0 प्रतिकृयाहरू प्राप्त

तपाईंको मत

To Top