समाज

बुटवलको सुख्खानगरमा वृक्षारोपण 

असार २१, 2077    बुटवल पोस्ट

बुटवल, असार २१ । बुटवल उपमहानगरपालिका वडा नं.–८ अन्तर्गतको धर्म सिर्जना टोल विकास संस्थाले धर्मपथ (क) सडकको फुटपाथमा वृक्षारोपण कार्यक्रम सम्पन्न गरेको छ । 

वृक्षारोपण कार्यक्रममा बोल्दै बुटवल उपमहानगरपालिकाका प्रमुख शिवराज सुवेदीले बुटवललाई स्वच्छ र हराभरा शहरका रुपमा विकास गर्न प्रत्येक घरले २ बटा विरुवा अनिवार्य रुपमा लगाउनुपर्ने बताउनुभएको थियो । वहाँले बुटवल उपमहानगरपालिका नमुना शहर बनाउन सबै टोल विकास संस्थाहरुलाई सक्रिय हुन समेत आग्रह गर्नुभएको थियो । 

कार्यक्रममा वडा अध्यक्ष भिमबहादुर श्रेष्ठले वडालाई बुटवलकै नमुना वडा बनाउन आफु निरन्तर लागिरहेको बताउनुभएको थियो । 

टोल विकास संस्थाकी अध्यक्ष पवित्रा ज्ञवालीको अध्यक्षतामा भएको कार्यक्रममा वडा सदस्य गोमा ज्ञवाली, भवानी सुवेदी, गौमती सुनार, इन्जिनियर ज्ञानप्रसाद अर्याल, सामाजिक ब्यक्तित्व टिकाराम न्यौपाने, पदमबहादुर श्रेष्ठ, पदमबहादुर पुन, टोल विकास संस्थाका पदाधिकारी, सदस्य तथा सल्लाहकार लगायतको उपस्थिति सम्पन्न भएको उक्त कार्यक्रमको सञ्चालन देवकी गिरीले गर्नुभएको थियो । 

0 प्रतिकृयाहरू प्राप्त

तपाईंको मत

To Top